Home / بابه‌ته‌كان / به‌رگریی شارنشینی

به‌رگریی شارنشینی

وه‌رگێڕانی که‌یوان نوری

                        

له‌ ئاستی جیهانیدا به‌ زۆری ده‌یه‌ی ١٩٦٠ له‌ لایه‌نی مێژووییه‌وه‌ به‌ قۆناغی قه‌یرانی شارنشینی ده‌ناسرێت. بۆ نموونه‌ له‌ ویلایه‌ته‌ یه‌کگرتووه‌کانی ئه‌مریکای ده‌یه‌ی ١٩٦٠، ماوه‌یه‌ک بوو که‌ له‌ زۆرینه‌ی شاره‌ گه‌وره‌ و گرنگه‌کان بڵێسه‌ی ئاگر به‌رزبووبووه‌وه‌. له‌ شاره‌کانی وه‌ک لۆس ئه‌نجلس و دیترۆیت، شۆڕش و ڕاپه‌ڕینه‌کان سه‌ریان هه‌ڵدا، هه‌ڵبه‌ته‌ دوای کوشتنی (دکتۆر مارتین لۆته‌رکینگ) له‌ ساڵی ١٩٦٨ زیاتر له‌ ١٢٠ شاری ئه‌مریکا نائارامی و جووڵه‌ی شۆڕشگێڕیی به‌رفراوان یاخود سنووردار ڕوویان دا. من ئه‌م ڕووداوانه‌ له‌ ویلایه‌ته‌ یه‌کگرتووه‌کان به‌بیر ده‌هێنمه‌وه‌، چونکه‌ ئه‌وه‌ی له‌ واقیعدا ڕووی ده‌دا، ئه‌وه‌ بوو که‌ شار مۆدێرنیزه‌ ده‌کرا، له‌ بواری ئۆتۆمبیلدا مۆدێرنیزه‌ به‌ڕێوه‌ ده‌چوو، هه‌روه‌ها مۆدێرنیزه‌ی په‌راوێزه‌کانی شار ده‌ستی پێ کردبوو. شاری کۆن، یان ئه‌وه‌ی که‌ ناوه‌ندی ئابووری، سیاسی و کلتووری شار به‌ درێژایی دوو ده‌یه‌ی ١٩٤٠ و ١٩٥٠ بوو، له‌ ئێستادا ده‌بوو به‌ به‌شێک له‌ ڕابردوو. له‌ بیرتان نه‌چێت که‌ ئه‌م پرۆسه‌یه‌ له‌ سه‌رتاسه‌ری جیهانی سه‌رمایه‌داری گه‌شه‌کردوو دا ڕووی ده‌دا. بۆیه‌ به‌ ته‌نها تایبه‌ت نه‌بوو به‌ ویلایه‌ته‌ یه‌کگرتووه‌کانی ئەمریکا‌. مه‌سه‌له‌ی جیدیتر له‌ به‌ریتانیا و فه‌ره‌نسا هه‌بوون، له‌و شارانه‌دا شێوازی کۆنتری ژیانکردن هه‌ڵده‌گیرا، فۆرمێک له‌ ژیان که‌ گومان ناکه‌م هیچ که‌سێک هه‌ستێکی نۆستالژیی بۆی هه‌بێت. بۆیه‌ ئه‌م شێوازه‌ له‌ ژیان به‌ره‌و دواوه‌ پاڵده‌نرا و فۆرمێکی نوێی ژیان شوێنی ده‌گرته‌وه‌ که‌ له‌سه‌ر بازرگانیکردن و خاوه‌ندارێتی و مامه‌ڵه‌کردن به‌ موڵکه‌کان و دروستکردنی شه‌قامه‌ درێژه‌کان و ئۆتۆمبیل و په‌راوێزنشینی وەستا بوو. له‌گه‌ڵ ده‌رکه‌وتنی ئه‌و هه‌موو گۆڕانکارییانه‌ ئێمه‌ بینه‌ری زیادبوونی نایه‌کسانی و نائارامی کۆمه‌ڵایه‌تی بوین.

بۆ خوێندنەوە یان دابەزاندنی هەموو بابەتەکە کلیکی ناونیشانی خوارەوە بکە

interview david harvey