Home / بابه‌ته‌كان / ئایاری 68: ڕووداو یان پێش ڕووداو

ئایاری 68: ڕووداو یان پێش ڕووداو

وەرگێڕانی: ئەرسەلان ئەفراسیاو

                         

ئایاری ٦٨: ڕووداو یان پێش ڕووداو دەمەوێت لە پرسیارێکی زۆر سادەوە دەستپێبکەم: ئایاری ٦٨ ئەم هەموو خۆسەخڵەتکردنەی بۆ چییە، بۆچی چل ساڵ پاش ئەو ڕووداوە، بە کتێب و وتار و بەرنامە و مشتومڕ و هەموو چەشنە ڕێوڕەسمێک یادیدەکەینەوە؟ لەکاتێکدا لە سییەمین یان بیستەمین ساڵیادیدا شتی لەمشێوەمان نەبینی. یەکەمین وەڵام زۆر ڕەشبینانەیە: بۆیە ئەمڕۆ ئاهەنگ بۆ ئایاری ٦٨ دەگێڕین چونکە دڵنیاین لەوەی مردوە. چل ساڵ پاش ڕووداوەکان، هیچ شتێک نەگۆڕاوە. وەک هەندێک لە دەمڕاستەکانی ٦٨ پێماندەڵێن. کۆن بێندێت، کە ئێستا سیاسەتوانێکی ئاساییە، پێماندەڵێت “ئایاری ٦٨ لەبیرکەن”. ئێمە ئێستا لە جیهانێکی تەواو جیاوازداین، بارودۆخەکەش تەواو گۆڕاوە، بۆیە دەتوانین بەوپەڕی ئارامییەوە ئاهەنگ بۆ سەردەمی جوانی لاویمان بگێڕین. هەرچی لەو کاتەدا ڕوویدا، لەئێستادا هیچ دەلالەتێکی زیندووی بۆ ئێمە پێ نییە. بۆ ئێستا جگە لە نۆستالژیا و فۆلکلۆر، هیچی دیکە نییە. دووەمین وەڵام زۆر ڕەشبینانەترە: ئێمە بۆیە ئاهەنگ بۆ ئایاری ٦٨ دەگێڕین، چونکە دەرئەنجام و پاڵەوانی ڕاستەقینەی ئایاری ٦٨، نیولیبڕاڵ و سەرمایەداریی بێبەربەستە. چونکە ئایدیا ئازادیخوازەکانی ئایاری ٦٨ و ئەو گۆڕانکاریانەی بەسەر شێوەی ژیانماندا هات، پێنانە نێو تاکگەرایی و ئارەزووکردنی ژویسانس، سەرجەمی ئەمانە لە سەرمایەداریی پۆستمۆدێرنە و جیهانە گاڵتەجاڕەکەیدا بەدیهات، کە بە مەسرەف و بەرخۆریی هەمەجۆر تەنراوە. سارکۆزی بۆخۆی بەرهەمی ئایاری ٦٨ـە، ئاهەنگێڕانیش بۆ ئایاری ٦٨، وەک گلوکسمان دەڵێت، ئاهەنگێڕانە بۆ ڕۆژئاوای نیولیبڕاڵ کە سوپای ئەمریکی لە ڕووبەڕووی بەربەریەکاندا دلێرانە بەرگری لێدەکات… لە نامیلکەکەوە 

بۆدابەزاندنی کتێبەکە بە PDF کلیکی ناونیشانی خوارەوە بکە

MAY68